کیا دم کی اُجرت لینا جائز ہے؟

 قبائل عرب پر فاتحہ پڑھ کر دم کرنے کے عوض جو کچھ دیا جائے اس کا حکم اس باب سے امام بخاریؒ نے ثابت کیا ہے۔

جو دم جائز ہو گا اس پر اجرت لینا بھی جائز ہو گا۔ اس عمل کو منع کرنے والے افراد کوئی قوی وجوہات اور دلائل پیش نہیں کر سکے۔

دم کر کے اجرت لینے کی ایک اور دلیل ملاحظہ کریں۔

جناب خارجہ بن صلت تمیمی اپنے چچا (علاقہ بن صحار سلیطیؓ) سے بیان کرتے ہیں کہ وہ نبی کریمﷺ کے پاس آئے اور اسلام قبول کیا۔ پھر واپس لوٹے تو ایک قوم کے پاس سے گزرے ان کے ہاں ایک مجنون آدمی تھا، جو زنجیروں میں جکڑا ہوا تھا۔ اس کے گھر والوں نے ان سے کہا تحقیق ہمیں خبر ملی ہے کہ تمہارا یہ صاحب (رسول اللہﷺ) خیر کے ساتھ آیا ہے، تو کیا تمہارے پاس کوئی چیز ہے جس سے تم اس کا علاج کر دو؟ چنانچہ میں نے اس کو سورۂ فاتحہ سے دم کیا تو وہ ٹھیک ہو گیا، پھر انہوں نے مجھے سو (100) بکریاں دیں تو میں رسول اللہﷺ کی خدمت میں حاضر ہوا اور آپ کو خبر دی، آپ نے پوچھا کیا بس یہی؟ مسدد نے دوسرے موقع پر کہا کیا تم نے اس کے علاوہ بھی کچھ پڑھا تھا؟ میں نے کہا نہیں تو آپﷺ نے فرمایا: لے لو قسم میری عمر کی لوگ باطل دم جھاڑ سے کھاتے ہیں جبکہ تم ایسے دم سے کھا رہے ہو جو حق ہے۔(ابوداؤد: 3896، حسن)

دوسری روایت میں ہے (علاقہ بن صحار سلیطیؓ) نے اس (مریض) کو تین دن تک صبح و شام سورۂ فاتحہ سے دم کرتے رہے جب وہ پوری (سورۂ فاتحہ کو ) پڑھ لیتے تو اپنا لعاب جمع کر کے مریض پر پھونک دیتے اس سے وہ ایسے ہو گیا گویا کہ اسے رسیوں سے کھول دیا گیا ہے۔ (ابوداؤد: 3897، حسن)

ان روایات سے کئی باتیں ثابت ہوتی ہیں۔ صحابی نے اپنی مرضی سے دم کرنے کے لیے دنوں کا تعین کیا اور صبح و شام کے وقت کا تعین خود کیا۔

اپنی طرف سے سورۃ کا تعین کیا۔

اپنی طرف سے سورۃ کی تعداد کا تعین کیا۔

اپنی طرف سے دم کر کے تھوک کے ذرات والی پھونک اس پر ماریں۔

دم کر کے سو (100) بکریاں لینے کا جواز

نبی کریمﷺ کا اپنی عمر کی قسم کھانا آپ کی خصوصیت ہے۔

سورۂ فاتحہ میں صرف روحانی بیماریوں سے ہی شفاء نہیں بلکہ جسمانی بیماریوں سے بھی شفاء ملتی ہے۔

قرآن وحدیث کے دلائل اور سلف صالحین کے اقوال سے یہی ثابت ہے کہ دم کر کے اُجر ت لینا حلال اور جائز ہے۔

جس طرح ایک ڈاکٹر مریض کو ٹائم دینے کی فیس چارج کرتا ہے سائیکلوجسٹ مریض کو کونسلنگ کرنے پر فیس چارج کر سکتا ہے اسی طرح روحانی معالج قرآن وسنت سے مریض سے کونسلنگ اور دم کرنے پر فیس چارج کر سکتا ہے۔ بلکہ حدیث مبارکہ سے تو یہ بات سمجھ آتی ہے کہ قرآن وسنت سے علاج کرنے والا فیس چارج کرنے کا زیادہ حق رکھتا ہے۔ مریض کو قرآن و سنت سے دم کرنا جائز ہے اور صرف جائز دم پر اجرت لینا بھی جائز ہے۔

رسول اللہﷺ نے فرمایا