جادو آسیب سے تحفظ فراہم کرنے والا انتہائی مؤثر وظیفہ

دو ہزار پانچ کی بات ہے میرے ایک عزیز کے گھر جادو جنات کا مسئلہ ہوا، وہ اس کے علاج کے لیے بہت سارے لوگوں کے پاس گیا، کسی نے علاج کے نام پر قبرستان میں گوشت پھینکنے کا کہا، کسی نے بکروں چھتروں کا مطالبہ کیا اور کسی نے زعفران سے تعویز لکھ کر دیے، کسی نے کچھ تعویذوں کی دھونی لینے کا کہا، کسی نے گھر میں اونٹ کے گھٹنے کی ہڈی رکھنے کا کہا، کسی نے جادو اور جنات کی کہانیاں سنا کر ان کو مزید خوفزدہ کیا الغرض ان کا مسئلہ ٹھیک ہونے کی بجائے مزید خرابی کی طرف جانا شروع ہو گیا، پہلے ان کے گھر میں صرف ان کی بیٹی کو دورے پڑتے تھے، اس کے بعد ان کے گھر میں کپڑے کٹنا اور جلنا شروع ہو گئے، دن بدن پریشانیوں میں اضافہ ہی ہوتا گیا، اس علاج کے سلسلے میں وہ پانچ سال تک در بدر دھکے کھاتے رہے۔ ان دنوں میں بہاولپور تعلیم حاصل کر رہا تھا۔ ایک بزرگ عالم دین کے ساتھ ان کے زہدو تقویٰ کی وجہ سے میں بہت زیادہ منسلک تھا۔ اس پریشان فیملی کا سارا واقعہ میں نے اس بزرگ سے ذکر کیا تو انہوں نے کہا میں ایک ذکر بتاتا ہوں، گھر کے تمام افراد صبح و شام سو سو مرتبہ پڑھیں۔ سات دن کے اندر اندر ان کے سارے مسائل حل ہوجائیں گے۔ ان شاء اللہ

انہوں نے کہا اس وظیفے سے بہت سارے لوگوں کو فائدہ ہوا۔ میں نے یہ وظیفہ لکھوا کر اس فیملی کو دیا۔ سات دن کے اندر اندر ان کے 80 فیصد مسائل حل ہو گئے، تین مہینے کے اندر اندر تمام مسائل سے جان چھوٹ گئی، انہوں نے جب مجھے بتایا، ہمیں اس وظیفے سے بہت زیادہ فائدہ ہوا، مجھے بہت خوشی ہوئی، میں نے اس وظیفے کے متعلق مزید تحقیق کی تو مجھے پتا چلا یہ نبیﷺ کا سکھایا ہوا وظیفہ ہے۔ میں جادو جنات کے موضوع پر مختلف کتابیں پڑھنے لگا، ایک دن میں فضیلۃ الشیخ وحید عبدالسلام بالی کی کتاب جادو کا علاج کتاب و سنت کی روشنی میں پڑھ رہا تھا ۔اس وظیفے کے متعلق انہوں نے اپنا تجربہ کچھ یوں لکھا تھا جو پڑھنے کے بعد میں بہت متاثر ہوا، ایک شخص اپنی بیوی کو لے کر میرے پاس آیا اور بتایا کہ اس کی بیوی ا سے انتہائی ناپسند کرتی ہے اور جب وہ گھر میں موجود نہیں ہوتا اسے راحت محسوس ہوتی ہے تو میں نے مزید علامات پوچھیں تو معلوم ہوا کہ اس کی بیوی پر جادو کیا گیا ہے یعنی سحر تفریق (میاں بیوی کو جدا کرنے والا جادو) جب میں نے اس کی بیوی کے سامنے قرآن کی تلاوت کی تو اس کی زبان سے جن بولنے لگا، جن سے مندرجہ ذیل مکالمہ ہوا۔

تمہارا نام کیا ہے؟ جن: میں اپنا نام ہرگز نہیں بتاؤں گا، آپ کا دین کیا ہے۔ جن: اسلام، تو کیا کسی مسلمان کے لیے جائز ہے وہ عورت کو پریشان کرے؟ جن: میں تو اس سے محبت کرتا ہوں اسے پریشان نہیں کرتا اور میں چاہتا ہوں کہ اس کا خاوند اس سے دور ہوجائے، تم ان دونوں میں جدائی ڈالنا چاہتے ہو؟ جن: جی ہاں، یہ تمہارے لیے جائز نہیں ہے اس لیے اللہ تعالیٰ کی فرمانبرداری کرتے ہوئے اس سے نکل جاؤ، جن: نہیں، نہیں، میں اس سے محبت کرتا ہوں، وہ تم سے نفرت کرتی ہے؟ جن: نہیں وہ مجھ سے محبت کرتی ہے، تم جھوٹے ہو وہ تمہیں ناپسند کرتی ہے اور اسی لیے یہاں آئی ہےکہ تمہیں اپنے جسم سے نکال سکے۔ جن: میں ہرگز نہیں نکلوں گا، تب میں تمہیں قرآن کے ذریعہ جلا کر راکھ کر دوں گا، پھر میں نے اس پر قرآن مجید کو پڑھا تو چیخنے لگا، میں نے پوچھا کیا تم نکلنے کے لیے تیار ہو؟ جن: ہاں میں نکل جاؤں گا لیکن ایک شرط ہے، کیا شرط ہے؟ جن: اس سے نکل کر آپ میں داخل ہوجاؤں گا۔ یہ شرط قبول ہے اس سے نکلو اور اگر تمہارے اندر طاقت ہے تو مجھ میں داخل ہو کے دکھاؤ، پھر کچھ دیر بعد جن رونے لگا، میں نے اس سے پوچھا تم کیوں رو رہے ہو، جن: کوئی جن آج تمہارے اندر داخل نہیں ہو سکتا، وہ کیوں؟ جن: اس لیے کہ آج آپ نے سو بار پڑھا تھا: