جنات کا وجود حقیقت یا وہم

کہہ دے میری طرف وحی کی گئی ہے کہ جنوں کی ایک جماعت نے کان لگا کر سنا تو انہوں نے کہا کہ بلا شبہ ہم نے ایک عجیب قرآن سنا ہے۔

قرآن مجید کی ان تینوں آیات سے یہ بات ثابت ہوتی ہے کہ جنات ایک مستقل مخلوق ہے یہ کوئی وسوسہ چھلاوا یا کسی خیالی مخلوق کا نام نہیں ہے بلکہ قرآن مجید میں تو ایک سورت کا نام ہی سورت جن ہے انسانوں کی طرح جنات بھی شریعت کے مخاطب اور پابند ہیںان کے رسول بھی وہی ہیں جو انسانوں کے لیےہیں قرآن وحدیث میں جنوں میں سے کسی جن کے نبی ، رسول یا پیغمبر ہونے کا تذکرہ نہیں آیا۔

یہ ایک حقیقت ہے کہ ہر دور میں مسلم وغیر مسلم جمہور گرو جنات کے وجود کو تسلیم کرتے رہے ہیں سوائے چند لوگوں کے اہل سنت جنات کے وجود کا اقرار کرتے ہیں۔ لفظ جن قرآن مجید میں 22 مرتبہ آیا ہے، لفظ الجّان 7 مرتبہ اور لفظ شیطان 68 مرتبہ اور لفظ شیاطین 17 مرتبہ ذکر کیا گیا ہے۔

جن کا لغوی معنی

لفظ جن کا معنیٰ ہے چھپی ہوئی چیز جنات عام طور پر نظروں سے اوجھل ہوتے ہیں یہ ایک چھپی ہوئی مخلوق ہے اس لیے انہیں جن کہا جاتا ہے، حاملہ کے پیٹ میں جو بچہ ہوتا ہے، اس کو جنین کہتے ہیں کیونکہ وہ نظر نہیں آتا۔ مجن بھی اسی سے ہے جس کا معنی ڈھال ہے کیونکہ ڈھال جنگ میں جنگجو کو چھپانے کا کام کرتی ہے۔

کسی چیز کو ماننے کے لیے اس کا دیکھنا شرط نہیں ہےمثلاً

٭ میموری کارڈ میں موجود مناظر اور اشیاء کتنا ڈیٹا اس چھوٹے سے کارڈ میں موجود ہوتا ہے جو صرف کارڈ سے نظر نہیں آتا۔

٭ بجلی اسے کون دیکھ سکتا ہے؟ مگر اسے سب مانتے ہیں۔

٭ ایسے ہی مقناطیس کیسے لوہے کو پکڑتا ہے؟ مقناطیس میں موجود مقناطیسیت نظر نہیں آتی۔

٭ جراثیم کو ہم سب تسلیم کرتے ہیں لیکن جراثیم ہم کو نظر نہیں آتے۔

٭ بخار کی حرارت اور تکلیف کو سبھی محسوس کرتے ہیں لیکن بخار نظر کسی کو بھی نہیں آتا۔

٭ جسم میں درد محسوس اور تسلیم کرتے ہیں لیکن کسی بھی قسم کا درد نظر نہیں آتا اسی طرح جنات کی وجہ سے جسم میں تکلیف اور بیماری ہوتی ہے، مگر جنات نظر نہیں آتے تو کوئی بڑا ایشو نہیں ہے کیونکہ یہ مخلوق ہی ایسی ہے جو انسان کی آنکھ سے اوجھل رکھی گئی ہے تاکہ انسان ان کی خوفناک دیوہیکل، شکل دیکھ کر خوف زدہ نہ ہوجائیں۔ 

قرآن مجید میں اللہ تعالیٰ نے فرمایا